AGUA dinha

Oscar e fundador de Inter-ilhas. El ta konsidera, ma es anu, NELASA, ki ten falta di imajinasaun y kriatividadi, rasolve da un golpe pa tuma konta di di un konpetisaun kel kria y suporta ku karinhu.

Aguadinha ta da tudu argen un oportunidadi pa faze Oscar ku NELASA arguns perguntas y sabe kal ke se opiniaun sobri es asunto.

Perguntas debe ser fetu ku ruspetu, sinau el ta ser eliminado.

Kal ke vantaji ki NELASA pode traze na organiza, el propi, torneio Inter-ilhas?

 E senpri puzitivu deskonsentrasaun di responsabilidadis. E bon pa un organizasaun ten diferentis ramus y sectoris pa tuma konta di diferentis atividadis. Es organizasaun debe fika apenas na kordena kes diferentis setoris.

Inter-ilhas foi kriadu, dinamizadu y akarinhadu pa un individuo dinamiku ki kongrega na se volta, senpri, un kumissaun pa organiza, ku susesu, 3 edisaun di Inter-Ilhas.

NELASA ka ta konsidera ser un retrusesu konsentrasaun di poderes y eliminasaun di individuos ke kriativu, ativu y disponivel pa atividadis ki ten sidu indispensavel pa komunidadi?

Ki mas vantaji Oscar ta atxa ma se lideransa pode traze pa futuru di Inter-Ilhas?

Kuze ki Oscar ta atxa ma sta di pa traz di es disizaun di NELASA?

                           oscar pensa 1 cuza sail oto cuza 

oscar e 1 rapazinho ki sempre ta gosta de parce na tchues atividades .   certo

atravez de aguns atividaes kel tuma iniciativa  del , i completado pa ajudas de amigosi i amigas  la fogo oscar ganha buleia pa state.    Verdade

li na state; ku se mentalidade de presidenti el comensa pre campanha  na ne  lasa :

.rasao eziste.

el fica suma nha benca benca  oxala sintido

 mi li  mi la :el staba deto se aria:

el comensal na strla gegra .Acadirre ku lantcha guents: e norti ku sul ki dja djunta boca  e barros  ku oscar ki sta panha popa  lantcha ncadja 

el da meia vorta  el subi el pintcha tabanca >ja shegou o bazoffo.<

dento ba ku bem kanto djobedo    oscar pa dado kel monzada de bon trabadjo (casu juan de lele)antis sujo frega odju oscar dja staba  100 limite na imigrante das ilhas  "kem ki pode  ku oscar?

cabo sabi na se gosto se pa el el ta ficaba la .

mundo sabi na brokitin

     0scar ku bibi  (nhapo ku nha poto) tapo ku banganha 

mas nha guents ..ouvi casamto 

deskurso ta bem di tudo lado tudo beco 

1 ta kola kel oto ta cudi baxon 

ses lele ku lala staba rou trou

ai mudjer ku marido ...1 ta linhaba kel otu ta finda 

mas bibi eeeeeeesperto. manha buta bem?

mas oscar gosta de sperza .Juan jose  1 mestebu?

mas  cazamento de 2 sperto ka pode da fim  /oscar ruma maleta el bai el ka despide /

el tchiga el ka manda  mantenha ;  el ranja 1 cazamento ku alianca falso

el prometes brokitin el fica ta debez boston  el staba moda metro pcs 100 limite .el faze selesan de laza / el deskidsse tudo kuza .

 mas oji el sta na tunel de  inter ilhas . el ca pode tem cervisso 

corasan  dja fadigal

tudo dja  biral preto

e midjor el  torna ba atcha se camarada de copainha limitada  bibi

sel cre torna tchera 1 pitada

netuxixina 

Un kria faze oscar um pergunta mas de tudo un kre fala un pouco sobre ez casu inter ilhas

sima noz tudo sabe Oscar e un tipo bastante criativo e sempre ku grandes ideas undi kez ki surge inter ilhas . mas pa kel kin sabe Liga Nelasa ka tchiga pa rrabata inter ilhas houve qualquer tchigali tchiga la entre oscar ku Liga. ( Oscar pa confirma) un sabe mas alguns delegados staba contra de liga pa da semanas fora pa oscar realiza inter ilhas un de kez razao e pamodi ekipas e jogadores ka sta benefisia de nada mas sim oscar sta faze inter ilhas pa se benefisio ................. Agora un ta faze alguns Pergunta !

Sera ki oscar organisa kez 2 primeru inter ilhas pa desenvolvimento de nos futebol, ou pa da noz jovens mas oportunidade de mostra sez talentos a comunidade?

Sera se era oscar ta realiza ez torneio inter ilhas na un lugar moda south boston undi ki e ka sta lucar nada ?

sera ki idea de oscar e organisa inter ilhas sen interesse finanseiro?

Qual e razao ki oscar sta leba mal de liga se torneio inter ilhas ka ten resultado finanseiro ?

Un ta spera ma oscar ta responden kez pergunta li e bu ka ta tumal pessoal unkre so ten un esclaresimento pamodi e kez tipo pergunta li ki maoria de pessoas sta ta pergunta nez momento li.............

calo...Dexan respondebu ami:

pa bu primero pergunta:

si bu odja istorial di inter ilhas, na primero edisao di inter-ilhas Oscar trase, sinhor Zuca principal nomi di futebol de fogo. Na segundo inter-ilhas organisado pa Oscar, ouvi presensa di Lucio Antunes adjuntu di selasao A di cv y trenador di sub 23...Ago responden abo Calo...kela e ka pa desenvolvimento di futebol di nos cumunidade? 

ago du continua...Nelasa co-organisa inter-ilhas djuntu ku Oscar, ca ouvi presensa di ningen...na unde ki Oscar tinha proposta pa trase mas.

Ago dixan responde nhos ( Calo y tudo nhos ) sobri lucro na organisa inter-ilhas:

nton nhos atxa ma organisa inter-ilhas na Brockton high era di grasa huh, campo di Medford e di Oscar e ca ta paga nada la huh...

Campo di Brockton High e pa paga campo di Medford e pa paga...

Inter-ilhas se trase Oscar argun kusa...e dor di cabesa...e po se tempo se forsa di vontadi pa e leba se ideia na pratica...Anhos e so pruveita ideia di otus, timis y criolos na Nelasa dja ten monti ano,.ma ningen ca tevi brilhanti ideia, po se tempo pa fase kel ki Oscar fase....

Si oji du ten Inter-lhas, e grasas a Oscar Rodrigues, haja Oscar li na nos cumunidade....

ago djan tuma li pan responde nhos tudo...

xan dixa nhos pa nhos responden anhos: SERA QUE NELASA STA FASE DJOGU NA SOUTH BOSTON PAMO ES CRE? OU E PAMODI ES CA ATXA CAMPO PA COBRA BILHETI....POR ISSO KES BA STAND PA $5 DONATION....NHOS RESPONDEN....

DEJAN FASE NELASA NHA PERGUNTA:

KAL KE INTERESI DI NELASA NA TUMA INTER-ILHAS PA ORGANISA SABENDO MA INTER-ILHAS E IDEIA DI OSCAR...UNDE KI STABA NELASA STABA NA KES 2 PRIMERO EDISAO? 

NETO, ABO KEL KI BU STA SCREBE CA MESTE RESPOSTA....

KELI E PA JUGADORES DI NELASA Y NOS KI TEN NOS MUDJE Y NOS FIDJU TA BA ODJA DJOGU:

NHOS TA SINTI CONFORTAVEL NA TROCA ROPA PA EKIPA SABENDO NA SOUTH BOSTON CA TEN BALNIARIO?

NA KES CAMPO KI OSCAR FASE INTER-ILHAS JUGADORES TINHA OTU REGALIAS, BALNIARIO PA EKIPA POA FASE REUNIAO ANTIS JOGU Y TD MAS...ES ANO KELA CA TEN

Joao de qualquer manera obrigado  pa resposta , mas tudo kel ki bu mensiona li mi un sabel un ka ten duvida  ma oscar e un tipo organizador e ku tcheu grandes ideas .

traze sr Zuca ka ta significa desenvolve futebol na comunidade Lucio ka faze nada paj jovens li na state mas ka pamodi curpa de oscar. Razao k un faze Oscar Pergunta e pa esclarese tudo alguen kuze ki passa entre el ku liga sobre inter -ilhas . Qual ki e razao ki liga involve ku inter - ilhas mode ki ez consigui po inter -ilhas na bylaws de liga . kez otu tudo un sabe atemi un faze parte de segundo edisao de inter -ilhas . un ka kre ser pessimista unico kuza e ki noz tudo ten amor e orgulho de representa fogo na undi ki du sta .

kel abraso

calo

Parsen ma integra Inter-ilhas na bylaws di Nelasa, kela e liga ki ten ki explica...nos e kela ki du sta spera...ora kes explica Oscar ta da se proximo passo...

Calo si bu fase parti di segunda edisao bu ca pode ben li ben questiona Oscar di algun interesi finansero na organiza inter ilhas...ate porque si e tevi algun lucro, e bem merecedo...

Y mas, si Lucio ca fase nada pa jugadres di Nelasa e pamodi es ca merece xamada pa selesao di cv ninhun, ten certeza sel atxaba algun fora di serie li e ta lebaba...Oscar ca convidal ke pa e ben leba ningen, el e convidadu pa e ben pa e ben analisa y odja si ten algun jugador digno di xamada pa selesao....y sejamos todos sinceros y sem amiguismo, na Nelasa ca sta ninhun, ta repeti, ninhun jugador inda cu disciplina tatica pa representa ou sequer ser xamado pa trena na selesao...Dixan sabe kal ke bu opiniao sobri es tema li...Bu ta atxa ma argun di kes jugador li na Nelasa ten disciplina tatica ( nao tecnica, pamo ten txeu bons talentos ki ca sta sabe aproveita ses talento)  pa aspira representa selesao?

Cumo Inter-Ilhas ba di Oscar pa NELASA.

Mi kumo min involve na inter-ilhas na sugundu dia (prumeru dia foi Oscar) y involvedu na NELASA desde segundu dia kel bira liga Cabuverdiana, un ta sinti na puzisaun di da argun informasaun pa julgamentu di kada un di nhos.

Prumeru edisaun di Inter-Ilhas fazedu a titulu sprimental. Nos e poku ki kardita na se susesu y ki invisti na el. Ku susesu di kel prumeru Inter-Ilhas el komesa logu ta ser prublema pa karkel arguen (privadu) faze Inter-Ilhas.

1- Ninguen ka te ilhas, ka tem jugadoris, ka ten liga pa mante compitisau bibu a nivel di Inter-Ilhas;

2- Inter-Ilhas ten ki ser na meio di campionatu di ligas y ten ki ser interompedu campionatu pel pode kontise;

3- Equipas ki ta paga pa ragista y mante jugadoris na compitisaun au logo di kampionatu, comesa logu ta exigi ramunerasaun, si ten lucru, ma ka spia pa trabadju y dispeza. Na rauniaun di liga arguns dirigentis propi fra ma es ki ten jugadoris ta kompiti ta fika sen nada, y ken ki ka ten nada a perder e ki ta ganha tudu.

Purtantu prublema di Oscar faze Inter-Ilhas el so o djuntadu ku otu arguen privadu dja staba simiadu. Si nhos pode odja gosin, NELASA ka pode tadja ninguen faze Inter-Ilhas. Kenha ki ka sta faze Inter-Ilhas pamodi el kre obi ku NELASA? Si arguen, Oscar mi, o karkel otu ka sta faze Inter-Ilhas e ka simplismenti pamodi falta di tempu o otu condisau, ma pamodi NELASA o otu liga ki ten jugadoris ta compiti ka sta fasilita pa faze'l, pomodi clubes ta ezigi pruveitu, ma naun trabadju. Pur izemplu: Liga ezanu fra ma "teams" ki kre faze karkel kuza na kes jogus pa angariasaun di fundu m'es pode faz'el.

Mi'n ka odja ninhun "team" ta faze nada la n'es sintidu. Propi un ka sabe kumo ninguen inda ka ba izigi Yaia pa da parti di se lukru, pamodi tudu arguen kre lukru ma naun trabadju.

Pa nha conclusaun, si privadu ka faze Inter-Ilhas, o otu iventu similar, e pamodi e propi situasaun atual ki ka ta parmiti y naun pamodi el tadjadu. Si argun arguen kre prova'n erradu e so el spromenta fazel y sel consigui min ta dal mon el ta da parmatoria ta txiga'l.

Guentis,

N'tinha ki meteba boca nes kuzas ma primeru n'tinha ki dixaba Dono papia.  Dono da un exemplu classico: dutu arguen kre lucru ma pocu kre kel trabadjo (dor di cabeca) necesariu.   Na primeru Inter-Ilhas n'odja Oscar detu lumil sol ta controla kusas y Dono dentu calor dun barraca ta bende billhete.  Kela sirbi pa karkel arguen odja ma kes tipo kusas li ta da cansera (sen conta ku kes kusas di backstage).

Ago determina ken ki ten razao (Oscar/Dono or Nelasa) e baseadu mas na opinao di cada un di ki na realidadi di factos.

Dixan po nha dos tiston: de facto Oscar e un gajo dinamico e ku boms ideas. Nos tudo ta trabu txapeu pa idea inter ilhas; sima du ta tra kes otus sima Dono e otus ki participa ku bo na el. Mas so pamodi bu traze kel idea ka ta significa ma bu ten ki fica agarrado a el pa tudo tempo. Bo bu sabe mas ki niguen, ma na tudo parte e liga ki ta organiza torneios etc. sabendo ki liga e amadora, ma el ten responsabilidade ku ekipas, ku calendario, ku se propi nome, etc. Si du ten un liga ki ta conduzi nos futebol li na nos area, debe ser el ki debe organiza torneios e otus actividades ki ta envolve times ki ta sta na mesmo liga. Bo bu debe po bu dinamismo em prol de nos cumunidade sem djobe remuneracao financeira o lebanta nome. Si e kela ki e bu preocupasaun, n'ton bu ka meste preocupa ninhum binten.

Si bo e dinamico y criativo, kusa ki ta dabo gosto e kria kuzas nobu; e ka medo de arguen pega na kuza ki bu kria.

Djarfogo parribal tudo!!

Parabens Sr. Rodrigues... ideia foi brilhante! o que falta ambos os lados Sr. Rodrigues e Nelasa (ou seja grupinhos que admitem ser amantes di futebol e entendedores da materia ) e adquirirem  formacao na administracao e formacao no futebol, pq a regra do jogo no mundo de futebol  agora e outro...se querem ser ou gostariam de serem reconhecidos e uteis na nossa comunidade a quese  tornarem em  bons dirigentes e so depois criar ideias.

sera que dirigentes do Nelasa e o Sr. pensam um dia de fazerem formacao nesta areia para darem continuidade as brilhantes ideias, ajudar, formar jovens...pq so assim serao respeitados.

perguntas:

Sr. Rodrigues considera capacitado para presidir e desenvolver ideias com o conhecimento que tem para dar continuidade as iniciativas ki bu trazi li ?

Acham que os representates ou dirigentes sao capacitados para tal?

Nenhum orgao social e nem organizacao funciona sem pessoas cridiveis!

Primeiro formacao so depois pratica

Refletindo bem nao acham que o Sr.Rodrigues deveria ser remonerado ele e os seus compadres...?a ideia e brilhante!

a nossa comunidade querer algo de bom para ocupar os jovens, ideias uteis devem ser pagadas...temos o caso St. Patrick onde so a ideia futeis para jovens mesmo assim sao remonerados...

o que nos falta e queremos individualizar as ideias, nao partilhar...sabendo que uma cabeca sozinha nao pensa como quantas bem organizada...a ideia pode ser individual o trabalho deve ser em grupo para melhor dinamismo e desempenho.

enquanto Nelasa como uma instituicao organizadora deveria integrar Sr. Rodrigues como "homem dinamico" ou seja criar um departamento onde parte as ideias. Temos e devemos respeitar o seu contributo nao so a nivel do futebol mas como um " homem das parodias". sempre com boas iniciativas vem fazendo grandes festas e conviviu para nossa comunidade principlamente para os compatriotas da sua ilha.

o que esta a ser feito pela aguadinha.com e defamacao e desrespeito com o OSCAR...

ATE AGUADINHA .COM PRECISA DE TI...OSCAR...PENSA EM ALGUMAS IDEIAS PARA ELE.!!!